Minsan, dahil sa insecurity, takot, at pag-aalinlangan, nagiging bulag tayo sa katotohanang gustong ipakita sa atin ng Diyos. Naririnig natin ang Kanyang Salita, pero sa halip na sundin ito, hinahayaan nating manaig ang opinyon ng tao, ang ating mga pangamba, at ang sarili nating pagdududa. Kung tunay nating nauunawaan kung gaano tayo kamahal ni Jesus, dapat makita ang ating pananampalataya sa ating pagsunod, tapat na paglilingkod, at pagbabahagi ng Kanyang Salita sa iba. Jesus cares, kaya hindi natin kailangang mamuhay sa takot, insecurity, at pag-aalinlangan. Hindi natin kailangang bayaran ang Kanyang pag-ibig; tinatanggap natin ito sa pamamagitan ng biyaya. Ngunit dahil sa pag-ibig na iyon, piliin nating sumunod, maglingkod nang tapat, at mamuhay para sa Kanyang kaluwalhatian.